Rusiyada son sutkada 491 nəfər koronavirusdan ölüb

Rusiyada son bir gündə daha 24 326 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 2 138 828 nəfərə çatıb. Ölkədə virusdan ölənlərin sayı isə daha 491 nəfər artaraq 37 031-ə yüksəlib.

Bundan başqa, Rusiyada indiyədək koronavirusa yoluxan 1 634 671 nəfər sağalıb.