Rusiyada daha 456 nəfər koronavirusdan ölüb

Rusiyada son bir gündə daha 19 290 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 3 738 690 nəfərə çatıb. Ölkədə virusdan ölənlərin sayı isə daha 456 nəfər artaraq 69 918-ə yüksəlib.

Bundan başqa, Rusiyada indiyədək koronavirusa yoluxan 3 150 763 nəfər sağalıb.