Rusiyada silah almaq çətinləşdirilir

“Vahid Rusiya” partiyası Rusiyanın Dövlət Dumasına silah sahibi olmaq barədə şərtləri sərtləşdirən qanun layihəsi təqdim edəcək.

“Report” “TASS”a istinadən xəbər verir ki, bunu Dövlət Dumasının İnformasiya Siyasəti, İnformasiya Texnologiyaları və Kommunikasiya Komitəsinin rəhbəri Aleksandr Xinşteyn bildirib.

Onun sözlərinə görə, silah almaq istəyən şəxslər dövlətin balansında olan xəstəxanalardan tibbi müayinədən keçəcək.

Yeni təklifə əsasən, Qvardiyaya silah almaq istəyən şəxslərin təqdim edəcəyi məlumatları yoxlamaq hüququ veriləcək, şəxsi məlumatlar isə yalnız elektron formada təqdim edilməlidir.