Rusiyada yaşayış binasında partlayış olub, 9 nəfər ölüb, 9-u yaralanıb - YENİLƏNİB-4

Rusiyanın Saxalin vilayətinin Tımkovskoye şəhər tipli qəsəbəsində beşmərtəbəli yaşayış binasında baş verən partlayış nəticəsində 4-ü uşaq olmaqla 9 nəfər ölüb, 9 nəfər isə yaralanıb.

“Report” TASS-a istinadən xəbər verir ki, dağıntılar altında iki nəfərin qaldığı da qeyd olunub.

Rusiya Baş Prokurorluğunun rəsmi nümayəndəsi Andrey İvanov bildirib ki, Tımovskoye kəndində yaşayış binasının bir hissəsinin uçması ilə bağlı Saxalin vilayətinin prokurorluğu araşdırmalara başlayıb: “İlkin məlumatlara görə, qaz balonu partlayıb, binanın bir hissəsi uçub. Ölənlər və yaralananlar var”.

Rusiyanın Saxalin vilayətinin Tımkovskoye şəhər tipli qəsəbəsində beşmərtəbəli yaşayış binasında baş verən partlayış nəticəsində 3-ü uşaq olmaqla ölənlərin sayı 8-ə çatıb.

“Report” xəbər verir ki, bu barədə Saxalinin qubernatoru Valeri Limarenko məlumat verib.

Rusiyanın Saxalin vilayətinin Tımkovskoye şəhər tipli qəsəbəsində beşmərtəbəli yaşayış binasında baş verən partlayış nəticəsində 3-ü uşaq olmaqla ölənlərin sayı 7-yə çatıb. 

“Report” xəbər verir ki, bu barədə Saxalinin qubernatoru Valeri Limarenko məlumat verib. 

Onun sözlərinə görə, binanın partlayış qeydə alındığı hissəsində 33 nəfər yaşayırmış.

Rusiyanın Saxalin vilayətinin Tımkovskoye şəhər tipli qəsəbəsində beşmərtəbəli yaşayış binasında baş verən partlayış nəticəsində ölənlərin sayı 3-ə yüksəlib.

“Report” xəbər verir ki, bu barədə regionun qubernatoru Valeri Limarenko bildirib.

Rusiyanın Saxalin adasının Tımkovskoye şəhər tipli qəsəbəsində beşmərtəbəli yaşayış binasında baş verən partlayış nəticəsində 1 nəfər ölüb, 9 nəfər xəsarət alıb.

“Report” xəbər verir ki, bu barədə ölkənin Fövqəladə Hallar Nazirliyi məlumat yayıb.

Məlumata görə, partlayışa məişət qazı səbəb olub.

Hazırda dağıntılar altında qalan şəxslərin axtarışı davam edir.

Rusiyanın Saxalin adasının Tımovskoye şəhər tipli qəsəbəsində beşmərtəbəli yaşayış evində qaz partlayışı olub.

“Report” xəbər verir ki, bu barədə ölkənin Fövqəladə Hallar Nazirliyi məlumat yayıb.

Bildirilib ki, partlayış nəticəsində binanın bir hissəsi dağılıb.

FHN-in məlumatına görə, dağıntılar altında 6 nəfər qalmış ola bilər.