Rusiyada koronavirusdan ölənlərin sayı 99 minə çatır

Rusiyada son bir gündə daha 8 275 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 4 545 095 nəfərə çatıb. Ölkədə virusdan ölənlərin sayı isə daha 408 nəfər artaraq 98 850-yə yüksəlib.

Bundan başqa, Rusiyada indiyədək koronavirusa yoluxan 4 166 172 nəfər sağalıb.