Rusiyada koronavirusdan ölənlərin sayı 278 mini ötdü

Rusiyada son bir gündə daha 32 930 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 9 736 037 nəfərə çatıb. Ölkədə virusdan ölənlərin sayı isə daha 1 217 nəfər artaraq 278 857-yə yüksəlib.

Bundan başqa, Rusiyada indiyədək koronavirusa yoluxan 8 436 631 nəfər sağalıb.