Rusiyada helikopter qəzaya uğrayıb, 2 nəfər ölüb - YENİLƏNİB

Saxalındə qəzaya uğrayan “Robinson 44” helikopterinin pilotu və bir sərnişini ölüb. 

“Report” xəbər verir ki, bu barədə TASS məlumat yayıb.

Bildirilib ki, pilotun və sərnişinlərdən birinin meyiti dağıntılar altından çıxarılıb, daha bir nəfər yaralanaraq təxliyə edilib. 

Vurğulanıb ki, helikopterin göyərtəsində ər-arvad və pilot olub.

11:23

Rusiyada göyərtəsində 3 sərnişin olan “Robinson” markalı helikopter radarlardan itib.

“Report” TASS-a istinadən xəbər verir ki, bu barədə yerli təcili yardım xidmətindən bildirilib.

Hadisə Saxalin vilayətində Qırmızı dağın şimal-şərqində baş verib.

Axtarışlara “Robinson 44” helikopteri və “An-26” təyyarəsi də cəlb olunub.