Rusiyada daşqınlar nəticəsində ölənlərin sayı 6 nəfərə çatıb

Bakı. 26 oktyabr. REPORT.AZ/ Rusiyanın Krasnodar diyarında baş verən daşqınlar nəticəsində ölənlərin sayı 6 nəfərə çatıb.

“Report” “Lent.ru”ya istinadən xəbər verir ki, bunu diyarın fövqəladə hallar naziri Sergey Kapustin bildirib.

Onun sözlərinə görə, Apşeron rayonunda evlərdə axtarış aparılan zaman 4 nəfərin meyiti aşkarlanıb.

Qeyd edək ki, bir neçə gün əvvəl Krasnodar diyarının Tuapse rayonunda daşqınlar nəticəsində 2 nəfər ölmüş, 2nəfər xəsarət almışd. Bir nəfərin taleyindən hələ də xəbər yoxdur.