Rusiyada daş kömür şaxtasında yanğın olub, 188 fəhlə təxliyə edilib

Rusiyanın Kemerovo vilayətinin Taştaqol rayonundakı Şereqeş daş kömür şaxtasında baş verən yanğınla əlaqədar 200-ə yaxın fəhlə təxliyə edilib.

“Report” TASS-a istinadən xəbər verir ki, məlumatı Taştaqol rayonunun administrasiyasının mətbuat xidməti yayıb.

Bildirilib ki, yanğın mədəndə qaynaq işləri aparılan zaman baş verib. Bundan sonra işçilərin təxliyəsinə başlanılıb. İndiyədək 188 nəfər şaxtadan çıxarılıb.

İlkin məlumata görə, hələ ki, xəsarət alan yoxdur.