Rusiyada atışma olub, ölən və xəsarət alanlar var

Rusiyada atışma olub.

“Report”un məlumatına görə, bu barədə “İnterfaks” bildirib.

Məlumata görə, hadisə İnquşetiyada, Kantışevo kəndində qeydə alınıb. Bir neçə nəfər arasında yaranan mübahisə sonda silahlı insidentlə nəticələnib. Atışma zamanı 1 nəfər ölüb, daha 3 nəfər xəsarət alıb. Yaralılar xəstəxanaya yerləşdirilib.

Qeyd edilir ki, hadisəni yerli sakin törədib. O, saxlanılıb.

Faktla bağlı cinayət işi açılıb, araşdırma aparılır.