Rusiya və Gürcüstan nümayəndələri “3+3” platformasını müzakirə edəcəklər

Rusiya Federasiya Şurasının Beynəlxalq məsələlər komitəsinin rəhbəri Qriqori Karasin Gürcüstan Baş nazirinin Rusiya ilə münasibətlərin nizamlanması üzrə xüsusi nümayəndəsi Zurab Abaşidze ilə görüşmək niyyətində olduğunu bildirib.

“Report” TASS-a istinadən xəbər verir ki, o, bunu jurnalistlərə açıqlamasında deyib.

Q.Karasin görüşün martın ortalarında keçirilə biləcəyini deyib. Onun sözlərinə görə, tərəflər ikitərəfli və regional məsələləri, o cümlədən “3+3”platformasının perspektivlərini müzakirə edəcəklər.

“Əsasən ikitərəfli əlaqələrə dair fikri mübadiləsi aparacağıq. Bura uçuşların bərpası, vətəndaşların səfərləri, viza problemləri də daxildir”, - o vurğulayıb.