Ermənistan parlamentinin vitse-spikeri və Aİ rəsmisi Azərbaycanla normallaşma prosesini müzakirə edib

Bu gün Ermənistan parlamentinin sədr müavini Ruben Rubinyan Avropa İttifaqının (Aİ) Cənubi Qafqaz üzrə xüsusi nümayəndəsi Maqdalena Qrononu qəbul edib.

“Report” xəbər verir ki, bu barədə Ermənistan KİV-ləri məlumat yayıb.

Məlumata görə, tərəflər Ermənistan və Azərbaycan arasında sülh prosesini müzakirə ediblər.

Ermənistanla Türkiyə arasında münasibətlərinin normallaşması, həmçinin Ermənistan-Aİ əməkdaşlığının dərinləşdirilməsi və genişləndirilməsi ilə də bağlı fikir mübadiləsi aparılıb.