Roma Papası Qazaxıstanda səfərdədir

Roma Papası Fransisk Qazaxıstana səfər edib.

“Report” xəbər verir ki, bu barədə məlumatı “Zakon” saytı yayıb.

Qeyd edilib ki, onu paytaxt Nur-Sultan şəhərindəki Nursultan Nazarbayev adına Beynəlxalq Hava Limanında dövlət başçısı Kasım-Jomart Tokayev və katolik kilsəsinin ölkədəki nümayəndəsi qarşılayıb.

Bildirilib ki, hazırda Qazaxıstanda 120 minə yaxın katolik var. Sabah Roma Papası ənənəvi müraciət edəcək. Mərasimdə üç minədək katolikin iştirakı gözlənilir.

Qeyd edək ki, sentyabrın 14-də Qazaxıstanda Dünya və ənənəvi din liderlərinin VII Qurultayı keçiriləcək.