Qırğızıstanın dağ-xizək kurortunda qaldırıcı kranın dayağı uçub, xəsarət alanlar var

Qırğızıstanın Karakol şəhərindəki dağ-xizək bazasında qaldırıcı kranın dayağı (xizəkçilər və snoubordçuların daşınması üçün kanat sistemi) uçub.

“Report” xəbər verir ki, bu barədə Qırğızıstan KİV-i məlumat yayıb.

İssık-Kul vilayət xəstəxanasından bildirilib ki, təcili yardım maşını iki uşağı xəstəxanaya çatdırıb, hazırda həkimlər müayinə aparırlar.

Vilayətin Daxili İşlər İdarəsindən hadisə ilə bağlı araşdırmaya başlanıldığını təsdiqləyiblər.

Dağ-xizək bazasında üç kanat yolu var, digər ikisi fəaliyyətini davam etdirir.