Qırğızıstan məscidlərində Myanmada ölənlər üçün dualar ediləcək

Bakı. 7 sentyabr. REPORT.AZ/ Sentybarın 8-də Qırğızıstanın bütün məscidlərində Myanma hadisələri qurbanlarının xatirəsinə dualar oxunacaq.

"Report" "Sputnik-Qırğızıstan" istinadən xəbər verir ki, bu barədə Qırğızıstan Müsəlmanları Ruhani İdarəsindən (QMRİ) bildirilib.

"Cümə günü, sentyabrın 8-də ölkənin bütün məscidlərində Myanmada həlak olanlar üçün dualar edəcəyik. Uca Tanrıdan şiddətin qarşısını almağı və bunun bir daha təkrarlanmaması üçün istəyəcəyik", - idarənin məlumatında deyilir.

Qeyd edək ki, daha əvvəl QMRİ Myanmada baş verən hadisələri müsəlmanların sıxışdırılması və insan hüquqlarının pozulması adlandırıb. Müftilik həmçinin Qırğızıstan vətəndaşlarını fikirlərini dinc yolla ifadə etməyə çağırıb.