Qırğız Respublikası Türkiyədən PUA alıb

“Pilotsuz uçuş aparatları dünyada nadir ölkələrdə var. Həmin nadir ölkələrdən biri də biz olacağıq”.

“Report” “Haber Global”a istinadən xəbər verir ki, bunu Qırğız Respublikasının Milli Təhlükəsizlik Dövlət Komitəsinin rəhbəri general Kamçıberk Taşıyev jurnalistlərə açıqlamasında deyib.

Onun sözlərinə görə, yeni PUA-ların alınması üçün artıq Türkiyəyə sifariş verilib.

"Bayraktar TB 2” yaxın zamanda Qırğız Respublikasına təhvil veriləcək", - K.Taşıyev əlavə edib.