Qazaxıstanda şaxtada iki nəfər ölüb

Qazaxıstanın Cambul vilayətindəki şaxtada qəza nəticəsində “Qazaxmıs” şirkətinin iki işçisi həlak olub.

“Report” TASS-a istinadən xəbər verir ki, bu barədə şirkətin mətbuat xidməti məlumat yayıb.

Onun sözlərinə görə, hadisə noyabrın 27-də “Jaysan” şaxtasında baş verib.

Qeyd edilib ki, xüsusi komissiya qəzanın baş vermə şəraitini və səbəblərini araşdırır.

"Qazaxmıs" şirkətinə aid şaxtalar, emal və misəritmə zavodları təxminən 37 min nəfərin işlədiyi üç istehsal sahəsində yerləşir.