Qazaxıstanda 5 nəfər yol qəzasında ölüb

Qazaxıstanın Almatı vilayətində iki minik avtomobilinin toqquşması nəticəsində 5 nəfər ölüb və yetkinlik yaşına çatmayan 3 nəfər isə yaralanıb.

“Report” “times.kz”a istinadən xəbər verir ki, məlumatı Almatı vilayətinin polis idarəsi yayıb.

Bildirilib ki, hadisə Almatı-Şonja avtomobil yolunda baş verib.

Qeyd olunub ki, “Audi” və “Renault” markalı avtomobillər toqquşub.

Hadisə ilə bağlı cinayət işi açılıb.