Qazaxıstan 2026-cı ildə süni intellekt mövzusunda Aİİ dövlət başçılarının görüşünü keçirmək niyyətindədir.

Qazaxıstan gələn il Avrasiya İqtisadi İttifaqına (Aİİ) sədrlik edəcək. Qazaxıstan təşkilatın dövlət başçıları ilə rəqəmsallaşma və süni intellekt mövzusunda görüş keçirmək niyyətindədir.

“Report” TASS-a istinadən xəbər verir ki, bunu Qazaxıstan Prezidenti Kasım-Jomart Tokayev Avrasiya İqtisadi Forumunun plenar iclasında çıxışı zamanı deyib.

Tokayev qeyd edib ki, rəqəmsallaşma Aİİ-nin qeyd-şərtsiz prioritetinə çevrilməli və dövlət başçıları səviyyəsində görüşlərdən biri bu mövzuya həsr olunmalıdır.

O əlavə edib ki, gələn il rotasiyaya əsasən Qazaxıstan Aİİ-nin sədri olacaq və Astanada analoji görüşün keçirilməsini gözlənilir. "Yəqin ki, biz bu görüşü, həqiqətən də, süni intellektin inkişafı və rəqəmsallaşma sahəsində səylərin birləşdirilməsi məsələlərinə həsr edəcəyik".