Putin Ərdoğana təşəkkür edib

Rusiya Prezidenti Vladimir Putin ölkəsinə səfər etdiyi üçün Türkiyə Prezidenti Rəcəb Tayyib Ərdoğana təşəkkür edib.

“Report” xəbər verir ki, məlumatı “RİA Novosti” yayıb.

Rusiya lideri bildirib ki, pandemiya səbəbindən 1,5 il görüşməyiblər, bununla belə, daima təmas saxlayıblar: “Sağ olun ki, dəvəti qəbul edib Rusiyaya gəldiniz. Epidemiya ilyarım bizim şəxsən görüşməyimizə imkan vermədi. Ancaq bu müddət ərzində biz daima təmasda olmuşuq”.

Qeyd edək ki, Vladimir Putin sentyabrın 14-dən koronavirusa görə özünütəcrid rejimində olub.