Peskov: "Təbii qazın pulunun rublla ödənilməsinə keçid uzun prosesdir"

Rusiyanın təbii qazının pulunun rublla ödənilməsi martın 31-də başlamır.

“Report” “RİA Novosti”yə istinadən xəbər verir ki, bu barədə Rusiya Prezidentinin mətbuat katibi Dmitri Peskov bildirib.

Onun sözlərinə görə, Rusiya qazının pulunun rublla ödənilməsinə keçid prosesi hələ bir müddət uzanacaq.

“Bu, sabah axşamdan ödənişə başlanılması məsələsi deyil. Ödəniş və tədarük məsələsi uzanan prosesdir”, - o bildirib.

Qeyd edək ki, Rusiyanın Ukraynaya müdaxiləsindən sonra ABŞ, Avropa İttifaqı və müttəfiqləri RF-yə qarşı sanksiya tətbiq edib. Onlara cavab olaraq Rusiya tədarük etdiyi təbii qazın pulunun rublla ödənilməsini tələb edir.