Paşinyanın partiyadaşları ilə görüşü keçirilir

Ermənistanda baş nazir Nikol Paşinyanın “Vətəndaş Razılaşması Partiyası”nın üzvləri ilə görüşü başlayıb.

“Report” xəbər verir ki, bu barədə bir sıra erməni KİV-ləri tərəfindən məlumat verilib.

Qeyd olunub ki, görüş partiyanın qərargahında deyil, baş nazirin iqamətgahında keçirilir.

Bildirilib ki, görüş zamanı Qarabağdakı vəziyyət, eləcə də Paşinyanın istefası müzakirə olunur.

Buna baxmayaraq “Vətəndaş Razılaşması Partiyası”nın ictimaiyyətlə əlaqələr şöbəsinin əməkdaşı Vaaqn Aleksanyan istefa məsələsinin uydurma olduğunu söyləyib.