Paşinyanın aparat rəsmisinin saxtakarlığı ifşa olundu

Paşinyanın aparat rəsmisinin saxtakarlığı ifşa olundu Ermənistanın baş naziri Nikol Paşinyanın aparatının rəhbərin müavini Taron Çaxoyan feysbukdakı səhifəsində 2017-ci ildə paylaşılmış fotonu paylaşaraq şəklin "dünən" Yerevanın müxalifət tərəfindən blokdan çıxarılmış Baqramyan prospektində çəkildiyini bildi
Region
201
24 Mart , 2021 01:38
Paşinyanın aparat rəsmisinin saxtakarlığı ifşa olundu
Nikol Paşinyan

Ermənistanın baş naziri Nikol Paşinyanın aparatının rəhbərin müavini Taron Çaxoyan feysbukdakı səhifəsində 2017-ci ildə paylaşılmış fotonu paylaşaraq, müxtəlif tullantıların, zibillərin əks olunduğu şəklin "dünən" Yerevanın müxalifət tərəfindən blokdan çıxarılmış Baqramyan prospektində çəkildiyini iddia edib.

Bu barədə “Report” “RİA Novosti”yə istinadən xəbər verir.

"Sirli şəkil. Baqramyanın prospekti bu gün", - deyə Çaxoyan tullantıların yer aldığı şəkillə bağlı yazıb. Onun paylaşımı xeyli sayda bəyənmə və şərh yığıb.

Lakin sonra sosial şəbəkə istifadəçiləri şəklin orijinalını tapıblar. Məlum olub ki, fotonu 25 sentyabr 2017-ci ildə Ukrayna saytı yayıb.

Çaxoyan bundan sonra paylaşımını silib və üzr istəyib. Ancaq buna baxmayaraq onun paylaşımı sosial şəbəkələrdə ciddi müzakirə mövzusu olub.

Son xəbərlər

Orphus sistemi