Paşinyan probasiya xidmətinin rəhbərini vəzifəsindən azad edib

Ermənistanın baş naziri Nikol Paşinyan probasiya xidmətinin rəhbəri Gevorq Simonyanı vəzifəsindən azad edib.

“Report” Ermənistan KİV-ə istinadən xəbər verir ki, müvafiq qərarı baş nazir imzalayıb.

Qeyd olunur ki, G.Simonyan sentyabrın 15-də vəzifəsindən uzaqlaşdırılacaq.

Xatırladaq ki, G.Simonyan 2019-cu ildə probasiya xidmətinə rəhbər təyin edilib və 2023-cü ilin yanvarında yenidən bu vəzifəyə təyin edilib. 2017-ci ildən 2019-cu ilə qədər G.Simonyan Ədliyyə Nazirliyinin “Armavir” cəzaçəkmə müəssisəsinin rəis müavini olub.