Paşinyan Ermənistanın Türkiyə ilə münasibətləri normallaşdırmağa hazır olduğunu bəyan edib

Ermənistanın Baş naziri Nikol Paşinyan rəsmi İrəvanın Türkiyə ilə münasibətləri normallaşdırmağa hazır olduğunu açıqlayıb.

“Report” “Sputnik Armenia”ya istinadən xəbər verir ki, N.Paşinyan bu barədə hökumətin bugünkü iclasında danışıb.

O, Türkiyə Prezidenti Rəcəb Tayyib Ərdoğanın bu məsələ ilə bağlı açıqlamasını xatırladıb:

“Biz bu bəyanatlarda Ermənistan-Türkiyə münasibətlərinin normallaşması barədə müzakirələri görürük. Eləcə də avtomobil və dəmir yollarının bərpası məsələsi var. Biz daha geniş kontekst ala biləcək belə danışıqlara hazırıq”, - Baş nazir qeyd edib.

N.Paşinyan bu məsələdə Rusiya, Avropa İttifaqı, Fransa, ABŞ, Çin və Hindistanın da maraqlı olduğunu vurğulayıb.