Oktyabrın 3-də Ermənistan parlamentində Roma statutunun ratifikasiyası müzakirə olunacaq

Oktyabrın 3-də Ermənistan parlamentinin plenar iclasında Roma statutunun ratifikasiyası məsələsi müzakirə olunacaq.

“Report” xəbər verir ki, bu barədə Ermənistanın “Joqovurd” nəşri yazıb.

Ölkə parlamentində qızğın müzakirələrin aparılacağı gözlənilir.

Nəşrin yazdığına görə, iclasda başqa vacib məsələlər barədə də fikir mübadiləsi aparılacaq.

Xatırladaq ki, Ermənistan parlamentinin müvafiq komissiyası sentyabrın 28-də məsələni müzakirə edəcək.

Qeyd edək ki, Beynəlxalq Ədalət Məhkəməsi (Haaqa tribunalı) Rusiya Prezidenti Vladimir Putini Ukrayna ərazisində müharibə cinayətlərində ittiham edərək barəsində qiyabi həbs qərarı çıxarıb.

Ermənistan parlamenti sənədi ratifikasiya edəcəyi təqdirdə Putinin bu ölkə ərazisinə səfəri mümkün olmayacaq.