NATO Rusiyaya qarşı yeni strategiya hazırlamağa başlayıb

Şimali Atlantika Müqaviləsi Təşkilatı (NATO) Rusiyaya qarşı yeni strategiya hazırlamağa başlayır.

“Report” xəbər verir ki, bu barədə Amerika Birləşmiş Ştatları Dövlət katibinin Avropa və Avrasiya məsələləri üzrə köməkçisi Ceyms O’Brayn məlumat verib.

“NATO yaxın aylarda Rusiyaya qarşı yeni strategiya hazırlayacaq və bu, bütün müttəfiqləri Rusiya ilə gələcək qarşılıqlı fəaliyyətdə birləşdirəcək”, - deyə o bildirib.

Onun sözlərinə görə, alyansın bütün üzvləri ÇXR-in Ukraynadakı münaqişə məsələsində Rusiyanın həlledici tərəfdarı olması ilə razılaşır.