Ukraynanın müharibədə həlak olan idmançı və məşqçilərinin sayı açıqlanıb

Rusiyanın Ukraynaya hücumundan bəri 133 ukraynalı idmançı və məşqçi həlak olub.

“Report” “Ukrinform”a istinadən xəbər verir ki, bu barədə ölkənin gənclər və idman naziri Vadim Qutsayt bildirib.

“Biz sizi heç vaxt unutmayacağıq və düşməni heç vaxt bağışlamayacağıq. Mələklərimizin xatirəsi naminə qələbələr qazanırıq”, - Qutzeit vurğulayıb.

Ukraynanın Gənclər və İdman Nazirliyi Ukrayna İdman Komitəsi ilə birlikdə həmin idmançıların xatirəsinə həsr olunmuş “İdman mələkləri” adlı videoçarx hazırlayıb.