Moskva diversiya qruplarının mümkün həmləsinə hazırlaşır

Moskvada diversiya qruplarının mümkün fəaliyyətinə qarşı təhlükəsizlik tədbirləri gücləndirilib.

“Report” xəbər verir ki, bu barədə “Baza” məlumat yayıb.

“Moskvada təhlükəsizlik tədbirləri gücləndirilib. Birinci və ikinci xüsusi alaylarda, eləcə də Rusiya Qvardiyasında əməkdaşlar arasından gündəlik “ehtiyatlar” yaradılıb”, – insayder diqqətə çatdırıb.

Teleqram kanalın məlumatına görə, paytaxtda daimi monitorinq aparılır:

“Moskvada təhdidlər, o cümlədən diversiya qruplarının Moskva [şəhəri] və Moskva vilayətinə mümkün sızmalarının daimi monitorinqi aparılır”.

“Polis əməkdaşlarına silahın mümkün əldən alınması cəhdləri barədə xəbərdarlıq edilib”, – mənbə “Baza”ya deyib.