Mirzоyan: Ermənistanın Türkiyə ilə sərhədində Rusiya sərhədçilərinin sayı azaldıla bilər

Ermənistanın Türkiyə ilə sərhədi açılarsa, Rusiya sərhədçilərinin sayı azaldıla bilər.

“Report” yerli KİV-ə istinadən xəbər verir ki, bunu Ermənistanın xarici işlər naziri Ararat Mirzоyan mətbuat konfransında bildirib.

"Əgər Ermənistan və Türkiyə arasında açıq sərhəd və etimad olarsa, biz bu məsələni nəzərdən keçirə və müzakirə edə bilərik", - o vurğulayıb.

XİN başçısı qeyd edib ki, Ermənistanda 102-ci Rusiya hərbi bazasının çıxarılması ilə bağlı hazırda İrəvanın gündəliyində hər hansı müzakirələr yoxdur.