Mirzoyan: Ərazi bütövlüyünün qarşılıqlı tanınması prinsipi danışıqların bütün mərhələlərində ifadə olunub

Ermənistan və Azərbaycanın bir-birinin ərazi bütövlüyünü qarşılıqlı tanımasının fundamental prinsipi Qarabağ münaqişəsinin həlli üzrə danışıqlar prosesinin bütün mərhələlərində aydın şəkildə ifadə olunub.

“Report” Ermənistan KİV-ə istinadən xəbər verir ki, bunu Ermənistan XİN başçısı Ararat Mirzoyan parlamentdə hökumət saatında bildirib.

XİN rəhbəri əlavə edib ki, eyni prinsip Ermənistan və Azərbaycan arasında razılaşdırılmış sülh sazişinin mətnində də əks olunub.