“McDonald`s” Rusiyada 850 restoranını bağlayır

“McDonald`s” Rusiyadakı 850 restoranını müvəqqəti olaraq bağlayır.

“Report” xəbər verir ki, bu barədə şirkətin bəyanatında deyilir.

Şirkət bu qərarın yerli işçilərə və tərəfdaşlara təsirini başa düşür, ona görə də onlara, xüsusən də maaşları ödəməyə davam etməklə dəstək olacaq.

Rusiyada “McDonald`s”ın 62 000 işçisi, yüzlərlə yerli təchizatçı və tərəfdaşı var.

Qeyd edək ki, dünyanın ən böyük kosmetika istehsalçılarından biri - Fransanın L'Oreal şirkəti də Ukraynadakı vəziyyətlə əlaqədar Rusiyadakı mağazalarının işini dayandırmaq niyyətindədir.