“Lukoyl”a yeni prezident təyin edilib

“Lukoyl”un səhmdarları növbədənkənar iclasda şirkətin prezidenti Vahid Ələkbərovun səlahiyyətlərinə vaxtından əvvəl xitam vermək və bu vəzifəyə Vadim Vorobyovu təyin etmək barədə qərar qəbul ediblər.

"Report" "RİA Novosti"yə istinadən xəbər verir ki, bu barədə şirkət məlumat yayıb.

1993-cü ildən şirkətə rəhbərlik edən Vahid Ələkbərov aprelin 21-də prezident vəzifəsindən vaxtından əvvəl istefa verib və direktorlar şurasının üzvü vəzifəsindən istefa verib. O, bu qərarını şirkətin Böyük Britaniya və Avstraliyanın sanksiyalarının təsirinə məruz qalması ilə izah edib.