Lukaşenko növbəti prezident seçkilərində namizədliyini irəli sürməyi planlaşdırmır

Belarus Prezidenti Aleksandr Lukaşenko növbəti seçkilərdə namizədliyini irəli sürməyi planlaşdırmır.

“Report” Belarus KİV-inə istinadən xəbər verir ki, o, bu barədə “Time” jurnalına müsahibəsində bildirib.

"Xeyr, mən artıq bunu planlaşdırmıram", - A.Lukaşenko müvafiq suala cavab verib.

O, həmçinin kiçik oğlu Nikolayı prezident vəzifəsində varisi kimi görmədiyini qeyd edib.

"Xeyr, o varis deyil... Bu sualla onu çox incidə bilərsən", - A.Lukaşenko bildirib.

O, Belarusun növbəti prezidentinin bir qədər fərqli siyasət yürüdəcək bir şəxs ola biləcəyini mümkün hesab edib. Lakin ümid edir ki, varisi ölkənin təkamül yolu ilə inkişafını davam etdirəcək.