Litva Ukraynaya təmir edilmiş daha 2 artilleriya qurğusu verib

Litva Ukraynaya təmir edilmiş daha 2 “Panzerhaubitze 2000” özüyeriyən artilleriya qurğusunu təhvil verib.

“Report” “RBK Ukraina”ya istinadən xəbər verir ki, bu barədə Litvanın müdafiə naziri Arvidas Anuşauskas bildirib.

O deyib ki, artilleriya qurğuları ilə birlikdə sursatlar da Ukraynaya təhvil verilib.

Qeyd edək ki, qurğunun döyüş sursatları 60 mərmi və 228 modul mərmi yükündən ibarətdir. Standart döyüş sursatlarının atəş məsafəsi 30 km-dir.