Kuleba britaniyalı həmkarı ilə Ukraynaya silah tədarükünü müzakirə edib

Ukraynanın xarici işlər naziri Dmitro Kuleba ilə britaniyalı həmkarı Liz Trass arasında telefon danışığı olub.

“Report” xəbər verir ki, o, bu barədə tviter səhifəsində yazıb.

“Rusiyaya sanksiya təzyiqini artırmaqda göstərdiyi liderliyə görə Britaniyaya minnətdarıq. Müzakirəmizdə Ukraynaya silah tədarükünün sürətləndirilməsi vurğulanıb. Biz həmçinin Rusiyanın törətdiyi cinayətlərə görə məsuliyyətə cəlb edilməsi barədə fikir mübadiləsi apardıq”, - D.Kuleba bildirib.