Ukrayna paytaxtı Kiyevə aprelin 24-də Rusiya ordusu tərəfindən növbəti dron hücumları olub.
"Report"un Şərqi Avropa bürosu daha çox zərbələrin düşdüyü paytaxtın Svyatoşin rayonunda olub. Burada dağılan evlərin altında itkin düşən sakinlərin axtarışları davam edir.
Kiyev hərbi administrasiyasının rəsmisi Yevgeni İlyaev "Report"a bildirib ki, hazırkı məlumata əsasən 11 nəfər həlak olub, 75 nəfər yaralanıb. Yaralananlardan 7 nəfər azyaşlı uşaqdır.
O bildirib ki, dağıntılar altında axtarışlar davam etdiyi üçün ölən və yaralananların sayı arta bilər.






