Yakutiyada qəzaya uğrayan helikopterin pilotu və sərnişinləri həlak olub

Yakutiyada itkin düşən “Robinson” helikopterinin qalıqları tapılıb.

“Report” Rusiya KİV-ə istinadən xəbər verir ki, bu barədə Şərqi Sibir Nəqliyyat Prokurorluğunun teleqramında məlumat verilib.

“İyulun 19-da Yakutiyada itən “Robinson” helikopterinin axtarışları başa çatıb. Pilot və üç sərnişin həlak olub”, - məlumatda bildirilib.

Məlumata görə, “Robinson R44” helikopteri iyulun 19-da Yakutiyanın Aldan rayonunda yoxa çıxıb.