KİV: İrandan zənginləşdirilmiş uranın üçüncü ölkələrə ixracı ABŞ ilə müzakirə olunmayıb

İrandan zənginləşdirilmiş uranın üçüncü ölkələrə ixracı məsələsi Tehranın nüvə proqramı ətrafında yaranmış böhranın həlli üçün ABŞ ilə aparılan danışıqlarda müzakirə olunmayıb.

“Report” xəbər verir kl, bu barədə “Tasnim” agentliyi mənbəyə istinadən məlumat yayıb.

Qeyd olunub ki, Amerika tərəfi nə danışıqların üçüncü raundu zamanı, nə də əvvəlkilər zamanı bu məsələni qaldırıb.

Bundan başqa, ABŞ İranın nüvə enerjisinin dinc məqsədlərlə inkişafı proqramı çərçivəsində uranın zənginləşdirilməsi prosesini sıfıra endirməkdə israrlı olmayıb.