KİV: “Ermənistanın hakim partiyasında Paşinyandan narazılıq yaranıb, istefalar gözlənilir”

Ermənistanın hakim “Mülki Müqavilə” Partiyasının bəzi üzvlərinin siyasi təşkilatdan istefa verəcəyi gözlənilir.

“Report”un xəbərinə görə, bunu Ermənistanın “Past” nəşri yazıb.

Bildirilib ki, bir çox siyasətçi baş nazir Nikol Paşinyanın siyasətindən narazıdır: “Mülki Müqavilə”nin bəzi üzvləri deyirlər ki, onlar ictimaiyyət qarşısına çıxmağa utanırlar”.

Qeyd olunub ki, gələcəkdə partiyanın sıralarının seyrələcəyi istisna deyil.

Xatırladaq ki, son günlər Ermənistanda hakimiyyət əleyhnə aksiyalar keçirilir. Etirazçılar N.Paşinyanın istefasını tələb edirlər.