Qırğızıstan prezidenti Qazaxıstana səfər edəcək

Qırğızıstan Prezidenti Sadır Japarov aprelin 18-19-da Qazaxıstana rəsmi səfər edəcək.

"Report" xəbər verir ki, bu barədə Qırğızıstan Prezidentinin mətbuat xidməti məlumat yayıb.

Qırğızıstanın Qazaxıstandakı səfiri Dastan Dyuşekeyev jurnalistlərə bildirib ki, səfər çərçivəsində S.Japarov qazaxıstanlı həmkarı Kasım-Jomart Tokayevlə danışıqlar aparacaq.

Onlar ikitərəfli əməkdaşlığın cari məsələlərini müzakirə edəcək, həmçinin Ali Dövlətlərarası Şuranın iclasını keçirəcəklər.