Kaxa Kaladze Gürcüstan baş nazirinin müavini postundan istefa verib

Bakı. 9 sentyabr. REPORT.AZ/ Gürcüstan hökumətinin rəhbəri Georgi Kvirikaşvili baş nazirin müavini, energetika naziri Kaxa Kaladzenin istefa haqqında ərizəsini qəbul edib.

"Report" "Novosti-Qruziya"ya istinadən xəbər verir ki, bu barədə Gürcüstan hökuməti administrasiyasının mətbuat xidmətindən bildiriblər. 

K.Kaladze parlamentə seçilmək istəyir, buna görə də, qanuna əsasən, istefaya gedib. Gürcüstanda parlament seçkiləri oktyabrın 8-nə təyin olunub.