Kanada Rusiyanın daha 15 rəsmisinə sanksiya tətbiq edib

Kanada Rusiyaya qarşı sanksiya siyahısına daha 15 nəfərin adlarını əlavə edib.

“Report” “RİA Novosti”yə istinadən xəbər verir ki, bu barədə Kanada hökuməti bildirib.

Məlumata görə, sanksiya tətbiq olunanların siyahısına Rusiya Müdafiə Nazirliyinin rəsmi nümayəndəsi İqor Konaşenkov, Rusiya Silahlı Qüvvələri Baş Qərargahının komanda məntəqəsinin rəisi Mixail Mizintsev, Rusiyanı iqtisadi inkişaf naziri Maksim Reşetnikov da var.

Qeyd edək ki, bir müddət əvvəl Kanada hökuməti Rusiyanın 10 rəsmisinə, o cümlədən Rusiya Prezidentinin mətbuat katibi Dmitri Peskova sanksiya tətbiq etmişdi.