İsrail Almaniyadan döyüş sursatları istəyib

İsrail Almaniyadan döyüş sursatları istəyib.

“Report” xəbər verir ki, bunu Almaniyanın müdafiə naziri Boris Pistorus deyib.

O bildirib ki, söhbət döyüş gəmiləri üçün nəzərdə tutulan sursatlardan gedir.

Nazir silahların göndərilib-göndərilməməsi məsələsinə aydınlıq gətirməyib.

Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Son məlumatlara görə, 1 300 nəfər ölüb, 3300 nəfər yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını açıqlayıb.

Qeyd edək ki, İsrail ordusu oktyabrın 12-də Suriyadakı hava limanlarını bombalamağa başlayıb.