İrəvanda Türkmənistan vətəndaşı hücuma məruz qalıb

İrəvanda Türkmənistan vətəndaşına bıçaqla hücum edilib.

“Report” xəbər verir ki, bu barədə Ermənistan KİV-ləri məlumat yayıb.

Polisə paytaxtın mərkəzində yaralı şəxsin tapılması barədə məlumat daxil olub. O, qarın nahiyəsində kəsilmiş-deşilmiş yara diaqnozu ilə xəstəxanaya yerləşdirilib.

Polis zərərçəkənin Türkmənistan vətəndaşı Erdan Egenqurdiyev olduğunu müəyyən edib.

Hüquq-mühafizə orqanları hadisənin təfərrüatlarını araşdırır və hücum edəni axtarır. Cinayət işi başlanılıb.