İrəvanda partlayış zamanı nazirin müşavirinin avtomobili hücuma məruz qalıb, pulqabı oğurlanıb

Ermənistanın paytaxtı İrəvanın “Sürməli” ticarət mərkəzində baş verən yanğın zamanı fövqəladə hallar nazirinin müşavirinin avtomobilinin şüşəsi sındırılıb, pulqabı oğurlanıb.

“Report”un xəbərinə görə, bu barədə Ermənistanın Fövqəladə Hallar Nazirliyinin mətbuat katibi Ayk Kostanyan məlumat verib.

Onun sözlərinə görə, hadisə partlayışın ilk günündə baş verib.

Xatırladaq ki, avqustun 14-də “Sürməli” ticarət mərkəzində baş verən partlayış nəticəsində 16 nəfər ölüb, 1 nəfər itkin düşüb. Zərərçəkənlərin ümumi sayı 62 nəfərdir.

Hazırda yaralılardan 4-nün müalicəsi müxtəlif xəstəxanalarda davam etdirilir, səhhətləri qənaətbəxş qiymətləndirilir.

Dağıntılar altından 21 avtomobil çıxarılıb.