İrəvanda metro işçiləri tətil edir

Ermənistanın paytaxtı İrəvanda Karen Dəmirçyan Metropoliteninin işçiləri tətil elan edib.

“Report” “Novosti Armenia”ya istinadən xəbər verir ki, bu barədə metropolitenin feysbuk səhifəsində bildirilib.

Məlumata görə, metronun heç bir stansiyası işləmir. Maşinistlər əməkhaqqının artırılmasını tələb edirlər. Bildirilib ki, hazırda metropolitenin rəhbərliyi onlarla danışıq aparır.

Qeyd edək ki, uzunluğu 12 km-dən artıq olan İrəvandakı metropoliten 10 stansiyadan ibarətdir. Metropolitenin 45 vaqonu var.