İranda zəlzələ nəticəsində yaralananların sayı artıb - YENİLƏNİB

İranın Sistan-Bəlucistan əyalətinin mərkəzi Zahidan şəhərində zəlzələ nəticəsində yaralananların sayı 71-ə yüksəlib.

“Report” İRNA-ya istinadən xəbər verir ki, bu barədə Sistan-Bəlucistan əyaləti Fövqəladə hallar üzrə Baş İdarə bildirib.

09:20

İranın Sistan-Bəlucistan əyalətinin mərkəzi Zahidan şəhərində baş verən 4,7 maqnitudalı zəlzələ nəticəsində 25 nəfər yaralanıb.

“Report” İRNA-ya istinadən xəbər verir ki, bu barədə Zahidandakı Xatəmül-Ənbiya xəstəxanasının baş həkimi Məhəmməd Rza Mirhadi bildirib.

Onun sözlərinə görə, insanlar pilləkəndən düşəndə, eləcə də, çarpayıdan yıxılan zaman yaralanıblar. Onlara hospitalda tibbi yardım göstərilir.

Bildirilib ki, zəlzələ 10 km dərinlikdə baş verib.