İranda koronavirusdan ölənlərin sayı 15 mini ötdü

İranda COVID-19 virusundan son sutkada 221 nəfər dünyasını dəyişib.

“Report” “Mehr”ə istinadən xəbər verir ki, bu barədə İranın Səhiyyə və Ailə Rifahı Nazirliyinin sözçüsü Sima Sədət Lari bildirib.

Onun sözlərinə görə, son 24 saat ərzində koronavirusa yoluxanların sayı 2 621 nəfər artaraq 284 034 nəfərə çatıb. Koronavirusdan ölənlərin ümumi sayı 15 074 nəfərə yüksəlib. 247 230 pasiyent isə sağalıb.