İran XİN: ABŞ dialoqa razılıq verməyimizi qiymətləndirməlidir

ABŞ İrana qarşı davam edən aqressiv ritorikasına baxmayaraq, onun danışıqlara getməsini qiymətləndirməlidir.

“Report” xəbər verir ki, bu barədə İran Xarici İşlər Nazirliyinin rəsmi nümayəndəsi İsmail Bəqai sosial şəbəkələrdə bildirib.

"Biz tam ciddiyyət və aşkar ehtiyatla diplomatiyaya real şans veririk. ABŞ onun tərəfindən üstünlük təşkil edən aqressiv ritorikaya baxmayaraq qəbul edilmiş bu qərarı qiymətləndirməlidir", - o yazıb.

İ.Bəqainin sözlərinə görə, İran tərəfi şənbə günü aparılacaq danışıqlarda Vaşinqtonun mövqeyini qiymətləndirdikdən sonra cavab verəcək.